Política de Proteición de datos de calter personal

Acordies cola Llei Orgánica 15/1999 de 13 d’avientu de Proteición de Datos de Calter Personal (LOPD), los datos apurríos pol usuariu van quedar inxertos nun ficheru automatizáu, que namái será procesáu pa esa finalidá. Estos datos recoyeránse pente medies de los mecanismos afayadizos, qu’han caltener solo los campos necesarios pa facer el serviciu demandáu pol usuariu.

Confidencialidá nel tratamientu automatizáu de los datos de calter personal de los usuarios

Los datos de calter personal trataránse col procuru precisu, fixáu nel Real Decretu 994/1999 de 11 de xunu, dando seguranza de les midíes necesaries pa torgar la so alteración, perda, tratamientu o accesu non autorizáu per parte de persones que los pudieren emplegar con otru finxu estremáu al solicitáu pol usuariu. Los datos de calter personal oxetu del tratamientu automatizáu namái podrán emprestase, según s’afita nel artículu 11 de la Llei Orgánica 15/1999 de 13 d’avientu, pal cumplimientu de fines direutamente venceyaos a les funciones llexítimes del cedente y del cesionariu siempre que l’afectáu-y dea’l preste de mano.

Oxetu de la recoyida y tratamientu automatizáu de los datos de calter personal

La recoyida y tratamientu automatizáu de los datos personales, darréu de la navegación peles páxines, de la consulta, solicitú o soscripción de cualquier serviciu/os de los ufiertaos pola Academia de la Llingua Asturiana, tien como finalidá namái la de contautar col internauta nel futuru, emplegando los datos ufiertaos por elli.
L’Academia de la Llingua Asturiana enxamás remanará los datos personales de los usuarios con otru envís que’l conseñáu enantes.

Derechos de los usuarios en rellación a los sos datos personales

Los usuarios tienen reconocíos, y van poder executalos, los derechos d’accesu, desanicie, igua y torga al tratamientu, usu y cesión de los sos datos al traviés de  comunicación empobinada a l’Academia de la Llingua Asturiana pente medies de l’aición ‘contautu’ que s’afaya nesta web.
Arriendes d’ello, l’usuariu pue exercer el so derechu a informase sobro les finalidaes pa les que se da’l preste al usu de los datos de so, y de les cesiones feches pola Academia de la Llingua Asturiana nesti sen.