Propuesta de terminoloxía educativa
Rodrigo Fernández Joglar
programa: Documentu que se fai col repartu ordenáu de les materies, etapes o momentos que tien una asignatura, un proyeutu, un actu. Cast.: programa.|| programa educativu: conxuntu d'actividaes planificaes sistemáticamente, que trabayen diverses estayes de la educación y que tán dirixíes al algame d'oxetivos diseñaos institucionalmente y orientaos a l'anovación y meyora del sistema educativu. Cast.: programa educativo.|| Programes de Garantía Social: Programes educativos dirixíos a persones que nun algamaren el graduáu escolar y que tienen l'oxetivu de proporciona-yos una cualificación de cara al desempeñu d'una actividá profesional. Cast.: Programas de Garantía Social.