Propuesta de terminoloxía educativa
Rodrigo Fernández Joglar
oxetivu: Finxu qu'afita daqué que se quier algamar. Cast.: objetivo.|| oxetivu didáuticu: Finxu qu'afita'l tipu y grau de deprendimientu que tien d'algamar l'alumnu nun momentu determináu p'adquirir les capacidaes recoyíes nos Oxetivos Xenerales del nivel d'estudios que ta cursando. Cast.: objetivo didáctico.|| oxetivu específicu: Caún de los finxos nos que se concreta un oxetivu xeneral. Cast.: objetivo específico. || oxetivu operativu: Caún de los finxos que describen l'actividá que tien de facer un alumnu pa cumplir un oxetivu específicu. Cast.: objetivo operativo.|| oxetivu xeneral: Finxu definíu en términos xenerales partiendo d'un diagnósticu qu'espresa la situación que se quier algamar al traviés d'una intervención educativa. Cast.: objetivo general.