Propuesta de terminoloxía educativa
Rodrigo Fernández Joglar
evaluación: Aición y efeutu d'evaluar. Cast.: evaluación.|| criteriu d'evaluación: Conxuntu de normes que describen lo que l'escolín o estudiante tien d'amosar p'algamar un determináu resultáu de deprendimientu espeyáu nos oxetivos xenerales. Estos criterios tienen que tar especificaos nel Proyeutu Curricular de Centru y nes programaciones didáutiques de los maestros o profesores. Cast.: criterio de evaluación. ||evaluación continua: Modalidá d'evaluación que propón el siguimientu del alumnu a lo llargo de tol procesu d'enseñanza-deprendimientu, buscando describir ya interpretar, en contraposición a la midición y clasificación que plantega la modalidá d'evaluación al traviés d'esámenes. Cast.: evaluación continua.|| evaluación criterial: Procesu d'evaluación del progresu del alumnu no que cinca a finxos graduales, afitaos dende una situación d'aniciu, dexando nun segundu planu la comparación col restu de collacios. Cast.: evaluación criterial.|| evaluación diagnóstica: diagnósticu educativu.Cast.: evaluación diagnóstica || evaluación diferencial: Modalidá d'evaluación que'l docente pon en práutica acordies cola diversidá del alumnáu, de los sos avances y de les situaciones nes qu'esi alumnáu desendolca'l procesu de construcción de deprendimientos. Cast.: evaluación diferencial.|| evaluación educativa: Procesu sistemáticu y planificáu de recoyida d'información relativa a cualquier aspeutu rellacionáu colos procesos d'enseñanza-deprendimientu, el sistema educativu y les persones y les instalaciones que lu formen, pa la so posterior valoración y toma de decisiones empobinaes a la meyora. Cast.: evaluación educativa.|| evaluación esterna: Procesu d'evaluación desendolcáu por axentes ayenos a la institución o al grupu de persones que s'evalúa. Cast.: evaluación externa.|| evaluación final: Procesu d'evaluación centráu na valoración de los resultaos del alumnu al finar el procesu d'enseñanza-deprendimientu. Cast.: evaluación final.|| evaluación formativa: Procesu d'evaluación qu'abarca dende la detección de necesidaes hasta'l momentu de la evaluación final, cumpliendo una función diagnóstica nel primer casu y de orientación nel segundu. Cast.: evaluación formativa, evaluación procesual || evaluación d'aniciu: Procesu d'evaluación fechu al entamu de cada una de les fases d'aprendizaxe, col envís d'ufiertar información no que cinca a los conocimientos previos del alumnáu y afitar dende qué nivel se van a desendolcar los nuevos conteníos d'enseñanza y les rellaciones que debieren afitase ente ellos. Cast.: evaluación inicial.|| evaluación institucional: Modalidá d'evaluación centrada nel estudiu de les carauterístiques y del funcionamientu d'instituciones educatives. Cast.: evaluación institucional || evaluación interna: Procesu d'evaluación desendolcáu por axentes que formen parte de la institución que se ta evaluando. Dientro de la evaluación interna puen estremase autoevaluación, coevaluación y heteroevaluación. Cast.: evaluación interna.|| evaluación normativa: Modalidá d'evaluación qu'emplega como criteriu de valoración estratexes basaes en normes estadístiques o en pautes de normalidá. La so utilidá asítiase más na clasificación y seleición d'alumnos según les sos aptitúes que na valoración del progresu d'un alumnu. Cast.: evaluación normativa.|| evaluación participativa: Modalidá d'evaluación qu'inclúi a tolos interesaos nun proyeutu o nuna estaya educativos nel so procesu d'evaluación y na aplicación de los resultaos d'esa evaluación nun procesu de meyora posterior a la mesma. Cast.: evaluación participativa, evaluación democrática. || evaluación procesual: evaluación formativa. Cast.: evaluación procesual.|| evaluación sumativa: evaluación final. Cast.: evaluación sumativa.