Propuesta de terminoloxía educativa
Rodrigo Fernández Joglar
escuela: Centru d'enseñanza. || 2. Centru d'enseñanza primaria. || 3. Enseñanza, conxuntu d'idees que s'enseñen, que s'aprienden. || 4. Conxuntu d'idees y de discípulos que siguen una corriente de pensamientu, una corriente artística. Cast.: escuela.|| escuela abierta: Conceición de la institución escolar entendida ésta como una organización del conocimientu abierta al contestu y a la comunidá educativa, xenerando estratexes pal diseñu y potenciación d'ambientes d'aprendizaxe anovadores qu'afiten vínculos ente la comunidá educativa y el conocimientu social. Cast.: escuela abierta. || escuela concertada: Institución escolar de titularidá y xestión privada, caltenida pol Estáu al traviés de fondos públicos. Cast.: escuela concertada.|| escuela de música: Institución educativa pa neños, mozos y adultos qu'ufre al estudiante enseñances instrumentales, vocales y teóriques y la preparación de base que permita l'accesu a estudios profesionales de música. Cast.: escuela de música.|| escuela inclusiva: Institución escolar na que tolos escolinos reciben una educación adautada a les sos necesidaes. Cast.: escuela inclusiva. || escuela infantil: Institución escolar qu'acueye neños y neñes d'ente 0 y 3 años. Cast.: escuela infantil. || escuela llaica: Institución escolar dientro de la cual nun s'imparten enseñances relixoses de nengún tipu. Cast.: escuela laica. || escuela non direutiva: Corriente pedagóxica basada nun deprendimientu non autoritariu, onde la persona desarrolle les sos aptitúes llibremente. Cast.: escuela no directiva.|| Escuela Nueva: Movimientu educativu que surde a finales del sieglu xix en contraposición a la escuela tradicional, reivindicando la significación, el valor y la dignidá de la infancia, centrándose nos intereses espontáneos del neñu y faciendo espoxigar la so actividá, autonomía y llibertá. Cast.: Escuela Nueva. || escuela pública: Institución escolar caltenida pol Estáu al traviés de fondos públicos. Cast.: escuela pública.|| escuela privada: Institución escolar de titularidá, xestión y financiación privaes. Cast.: escuela privada || poner escuela: Facese cargu de la enseñanza primaria un maestru nuna escuela.