Propuesta de terminoloxía educativa
Rodrigo Fernández Joglar
equipu: Conxuntu organizáu de persones que s'axunten pa facer daqué. Cast.: equipo. || equipu de ciclu: Muérganu de coordinación didáutica nes etapes d'Educación Infantil y Educación Primaria qu'aconceya a tolos maestros con docencia neses etapes, col envís d'organizar y desendolcar les enseñances propies del ciclu. Cast.: equipo de ciclo.|| equipu docente: Unidá organizativa de profesoráu. Cast.: equipo docente.|| equipu de gobiernu: Conxuntu organizáu de persones que desempeñen el llabor de direición d'un centru educativu. Cast.: equipo de gobierno.|| equipu multidisciplinar (~ equipu interdisciplinar): Conxuntu organizáu de persones con distinta formación académica y esperiencia profesional que trabayen en conxuntu, durante un períodu de tiempu determináu, con un oxetivu común. Cast.: equipo multidisciplinar (~ equipo interdisciplinar).