Propuesta de terminoloxía educativa
Rodrigo Fernández Joglar
deprendimientu: Aición y efeutu de deprender. Cast.: aprendizaje. || comunidá de deprendimientu: Grupu de persones inxeríes nun mesmu entornu, presencial o virtual, que tienen un interés común de deprendimientu con estremaos oxetivos ya intereses particulares. Cast. comunidad de aprendizaje. || deprendimientu cooperativu: Enfoque d'enseñu enfotáu n'emplegar al máximu actividaes nes que seya necesariu'l trabayu cooperativu de los escolinos o estudiantes dientro d'un contestu d'enseñanza-deprendimientu. Cast. aprendizaje cooperativo. || deprendimientu dialóxicu: Enfoque d'enseñu afitáu nel diálogu igualitariu, nel que diferentes persones dan argumentos basaos en pretensiones de validez y non d'autoridá. Esti deprendimientu pue dase en cualesquier situación del ámbitu educativu y supón un potencial importante de camudamientu social. Cast. aprendizaje dialógico. || deprendimientu mecánicu: Memorización d'una información, téunica o destreza ensin necesidá d'entender el so significáu, procesu o les sos implicaciones y consecuencies. Cast. aprendizaje mecánico. || deprendimientu na rede: Entornu de deprendimientu virtual organizáu y alministráu por un centru d'enseñu y dirixíu a que cualesquier persona interesada en deprender o enseñar pueda pertenecer a él y acceder a los sos recursos compartíos. Cast. aprendizaje en red. || deprendimientu significativu: Tipoloxía de deprendimientu carauterizáu pola incorporación efeutiva na estructura mental y motivacional del estudiante de los nuevos conteníos, que pasen a formar parte de la so memoria comprensiva. Cast. aprendizaje significativo.
desendolcu curricular: Puesta en marcha del Diseñu Curricular Prescriptivu incorporando les aportaciones y adecuaciones precises pa la so contestualización nuna realidá social y escolar determinaes.
Cast.: desarrollo curricular.