Propuesta de terminoloxía educativa
Rodrigo Fernández Joglar
departamentu: Unidá de docencia ya investigación encargada de coordinar les enseñances d'una o varies estayes de conocimientu, con presencia nunu o más centros universitarios acordies cola programación docente que correspuenda. Cast.: departamento. || Departamentu d'Orientación: Muérganu de coordinación didáutica propiu de los institutos d'Educación Secundaria, encargáu d'ellaborar les propuestes de la organización de la orientación educativa y el Plan d'Aición Tutorial; de coordinar el desarrollu de los procesos d'orientación; de collaborar colos profesores na prevención y detección de los problemes de deprendimientu y d'asesorar a la Comisión de Coordinación Pedagóxica nos aspeutos psicopedagóxicos d'aula. Fórmenlu los profesores del ámbitu socio-llingüísticu y científico-tecnolóxicu y al menos ún d'ellos pertenez a les especialidaes de pedagoxía o de psicoloxía. Cast.: Departamento de Orientación. || Departamentu Didáuticu: Muérganu de coordinación didáutica propiu de los institutos d'Educación Secundaria encargáu d'organizar y desarrollar les enseñances propies de les estayes, materies o módulos del currículu. Fórmenlu los profesores qu'imparten la enseñanza d'eses materies. Cast.: Departamento Didáctico.