Propuesta de terminoloxía educativa
Rodrigo Fernández Joglar
competencia: Capacidá d'integrar y poner en práutica los distintos conocimientos, habilidaes y valores nos diferentes ámbitos de la vida cotidiana y llaboral. Cast.: competencia. || competencia cultural y artística: Capacidá de comprensión, espresión y valoración crítica de les destremaes espresiones manifestaciones culturales y artístiques. Cast.: competencia cultural y artística. || competencia en comunicación llingüística: Capacidá d'emplegar la llingua propia n'estremaes situaciones comunicatives, asina como ferramienta d'espresión oral y escrita, de deprendimientu y socialización, usando un llinguax non discriminatoriu y respetuosu pa cola diversidá. No que cinca a les llingües foranes, entiéndese como l'algame de competencies básiques na comprensión, espresión y contestu comunicativu tanto oral como escritu. Cast.: competencia en comunicación lingüística. || competencia matemática: capacidá d'emplegar los númberos y les sos operaciones básiques, amás d'algamar un razonamientu matemáticu que permita tanto resolver problemes de la vida cotidiana y llaboral como interpretar informaciones. Cast.: competencia matemática.