Terminoloxía médica
Xesús González Rato
medicina: Ciencia [que trata'l guarimientu y prevención de les malures del cuerpu humanu]. || 2. Melecina. || Medicina familiar y comunitaria, especialidá médica que se dedica al cuidáu de la salú en tolos aspeutos y de forma global. || Medicina física y rehabilitación, especialidá médica que se dedica a ameyorar y restaurar l'habilidá funcional y la calidá de vida de los enfermos con discapacidaes físiques. || Medicina intensiva, especialidá médica que se dedica a ufrir soporte vital a los enfermos críticos. ||Medicina interno, especialidá médica que se dedica a l'atención integral del enfermu ingresáu nun hospital. || Medicina nuclear, especialidá médica que se dedica al diagnósticu y orientación terapéutica de diverses enfermedaes per aciu del usu d'isótopos radiactivos. || Medicina preventiva, especialidá médica que se dedica al estudiu de la prevención de les enfermedaes basao nun garapiellu d'actuaciones y conseyos médicos.
Cast.: medicina