ventaya (~ ventaxa), la: sust. Cualidá o cualidaes [que faen meyor]. 2 Beneficiu [que se saca de daqué]. a Superioridá o meyoría de daqué o daquién respeuto a otra persona o cosa. b Sueldu sobreañadíu al común que gocien otros. || Ricardo y les ventayes comparatives, David Ricardo (1772-1823), perimportante economista británicu de la escuela clásica, plantega per primer vez la teoría de les «ventayes comparatives», qu’esplica los beneficios que tienen los qu’actúen nel comerciu internacional, en cuenta de l’autarquía y l’aisllamientu económicu. Esta teoría diz que, nunes condiciones determinaes, maximizaráse’l productu total que se llogra de la especialización y el cambéu si cada país o rexón s’especializa na producción d’aquellos bienes o servicios nos que’l so costu comparativu seya rellativamente menor. Les idees de Ricardo tán recoyíes nel llibru «Principios d’Economía Política». Lo que plantega Ricardo pue ser ampliao a tola clas d’intercambiu y división del trabayu ente les persones, les empreses o los países. || Ventayes competitives, les ventayes comparatives que nun surden de los recursos naturales o d’otros elementos que s’asemeyen, sinón de la teunoloxía, la xestión y la formación llámense ventayes competitives.

Pallabra:

Términos básicos d'Economía y Empresa

Guillermo Ovidio Villa Balbona
Fernanda Valdés Rodríguez