social: ax. De la sociedá. 2 Que vive en sociedá. 3 Del sociu, de los socios. 4 De la convivencia de los miembros d’una sociedá. || Asistencia Social, ayuda, que la seguridá social y otres entidaes conceden a los sos beneficiarios, p’atender situaciones de necesidá. || Asistente social, persona titulada, que se dedica a solucionar problemes d’orde social o personal a individuos o agrupos d’individuos, ofreciendo conseyu, xestiones, información, etc. || Beneficiariu de la Seguridá Social, persona que tien derechu a recibir una ayuda de la seguridá social. || Domiciliu social, el domiciliu d’una empresa o una entidá. || Gastu social, partida presupuestaria del gastu públicu que se destina a les necesidaes básiques de les persones. || Obra social, centru o institución con oxetivos culturales o benéficos. || Persona social, Persona xurídica. || Presión social, influencies qu’exerce la sociedá sobre los individuos que formen parte d’ella. || Razón social, nome rexistráu [d’una empresa]. || Salariu social, salariu que l’alministración concede a persones sin ingresos p’atender les necesidaes mínimes.

Pallabra:

Términos básicos d'Economía y Empresa

Guillermo Ovidio Villa Balbona
Fernanda Valdés Rodríguez