riesgu, el: sust. Situación [na que se pue producir un dañu]. 2 Posibilidá o amenaza [de producise un dañu]. a Caúna de les continxencies que puen ser oxetu d’un contratu de seguru. || Central de riesgos, serviciu que dan los bancos centrales a partir de la información que-yos suministren les entidaes de creitu sobre los riesgos bancarios que van asumiendo los sos clientes, col fin de controlar los problemes de reembolsu. || Diversificación del riesgu, inversión nuna variedá d’activos o valores col fin de reducir el riesgu. || Operaciones de capital riesgo, fondos a llargu plazu invertíos n’empreses con actividá d’altu riesgu, qu’esixen una rentabilidá mui elevada, ya que munchos d’estos proyeutos fracasen. || Riesgu de firma, riesgu qu’asume una institución financiera al conceder a un cliente (avales, garantíes, efeutos, cheques, etc), polos que responde ésta ante terceros en casu d’insolvencia del cliente. || Sociedá de capital riesgo, sociedá constituyida por aportaciones d’inversores con destín, polo xeneral, a negocios nuevos, que realicen operaciones de capital riesgo.

Pallabra:

Términos básicos d'Economía y Empresa

Guillermo Ovidio Villa Balbona
Fernanda Valdés Rodríguez