recursu, el: sust. 2 Reclamación [que se fai a una autoridá p’anular un determín que se xulga perxudicial]. 3 [pl.] Bienes económicos. || L’aplicación de recursos y Smith, Adam Smith (1723-1790), economista y filósofu escocés, fundador de la Escuela Clásica. El so llibru principal fue «Investigaciones sobre la Naturaleza y Causa sobre la Riqueza de les Naciones», asoleyáu en 1776. Smith afirmó que l’orixe de la riqueza provién del trabayu de la nación, que sedrá tanto más productivu cuanto mayor especialización del trabayu esista. Pa Smith, na economía de mercáu, los cambios nos precios son el mecanismu básicu que rixe la determinación de recursos; o lo que ye lo mesmo, l’aplicación de recursos a una determinada finalidá económica. Adam Smith fue’l padre del conceutu d’economía política como ciencia qu’estudia la riqueza y les lleis de la producción y distribución. || Recursos ayenos, obligaciones o deudes, que nun seyan colos sos aicionistes, que figuren nel pasivu del balance. || Recursos humanos, conxuntu de los trabayadores d’una empresa. || Recursos naturales, conxuntu de bienes que tán na naturaleza y que satisfacen les necesidaes humanes. || Recursos propios, fondos d’una empresa que nun son esixibles, constituyíos pola suma del capital social, les reserves y los resultaos non distribuyíos, menos los dividendos a cuenta.

Pallabra:

Términos básicos d'Economía y Empresa

Guillermo Ovidio Villa Balbona
Fernanda Valdés Rodríguez