anarquismu, l’: sust. Doctrina política [que defende un sistema ensin autoridá, ensin Estáu, y onde los individuos deciden llibremente la conducta que consideren más conveniente]. || Proudhon y l’anarquismu, el movimientu anarquista tien el so raigañu nos enciclopedistes franceses y fue desarrolláu por Proudhon. Pierre Proudhon (1809-1895), ideólogu francés, plantegó que l’orde podía caltenese mediante l’autocontrol del individuu. Pa él ésti ye un ser imperfeutu polo que cualquier cambéu social esixe la reforma moral de les persones. Propón la desapaición del gobiernu, del creitu, de la banca y del dineru. || Anarquismu coleutivista (anarcocoleutivismu) y Bakunin, Mijaíl Alexándrovich Bakunin (1814-1876), anarquista rusu y teóricu del anarcocoleutivismu, pertenez a la corriente de pensamientu anarquista de la economía, y afirma que la propiedá de los medios de producción debe ser social y tar alministrada polos propios trabayadores, éstos axuntaríense n’asociaciones por semeyances, que taríen confederaes. Sicasí, estes asociaciones gozaríen d’autonomía p’autoxestionar los medios de producción y los trabayadores deberíen recibir el productu total del so trabayu.

Pallabra:

Términos básicos d'Economía y Empresa

Guillermo Ovidio Villa Balbona
Fernanda Valdés Rodríguez