productu, el: sust. Cosa [producida, que se produz]. 2 Conxuntu de bienes y servicios [producíos nun país]. a Bienes o servicios que xurden pa cubrir les necesidaes propies de les persones. || Productos Financieros, ingresos xeneraos por una empresa pola concesión de creitos, poles inversiones en títulos y valores, y polos gastos percibíos pol aplazamientu del cobru a los clientes. || Productos Semiterminaos, productos a los que-yos falta dalguna fase de fabricación. || Productos Terminaos, productos fabricaos pola empresa y destinaos al consumu final o a la so utilización por otres empreses. || Productu Industrial, conxuntu de bienes producíos nun procesu de tresformación industrial. || Productu Interior Brutu (PIB), valor total de los bienes y servicios producíos nun añu nun país, con independencia de la nacionalidá de los productores. || Productu Interior Netu, Productu Interior Brutu menos les amortizaciones y depreciaciones porducíes nel periodu. || Productu Nacional Brutu, Productu Interior Brutu más les rentes orixinaes polos nacionales nel estranxeru y menos les rentes de los estranxeros nel territoriu nacional. || Productu Nacional Netu, llógrase a partir del Productu Nacional Brutu menos les amortizaciones y depreciaciones producíes nel periodu.

Pallabra:

Términos básicos d'Economía y Empresa

Guillermo Ovidio Villa Balbona
Fernanda Valdés Rodríguez