amortización, l’(a): sust. Aición y efeutu d’amortizar. a Depreciación que se produz nos bienes del activu fixu pola mor del usu a lo llargo de la so vida útil, por quedar obsoletu o por otres causes. || Amortización acumulada, cuenta contable que recueye tolos años, dende la so puesta en serviciu les dotaciones por amortización del inmovilizáu; esta cuenta amuésase nel activu del balance menguando’l valor del inmovilizáu. || Plan d’amortización, tables d’amortización oficialmente aprobaes pa caún de los bienes del activu fixu de les empreses, si les tables oficiales nun s’axusten a unes circunstancies determinaes, el sistema fiscal español permite a les empreses plantegar un nuevu plan d’amortización. || Tasa d’amortización, porcentaxe que, aplicáu sobre la base amortizable, da la cuota d’amortización de cada periodu.

Pallabra:

Términos básicos d'Economía y Empresa

Guillermo Ovidio Villa Balbona
Fernanda Valdés Rodríguez