impuestu, l’: sust. Pagu obligáu [que faen los ciudadanos, les empreses como ayuda a los gastos del estáu, de les comunidaes autónomes, de los conceyos]. a Tributu. || Impuestu de Sociedaes (IS), impuestu que grava los beneficios de les entidaes xurídiques, non sólo a les empreses de toa mena, tamién a asociaciones y fundaciones. || Impuestu so la renta de les persones físiques (IRPF), tributu direutu de naturaleza personal y suxetiva que grava la renta de les persones físiques, entendiendo por renta’l llogru de rendimientos ya incrementos patrimoniales, definíos llegalmente como fechu imponible. || Impuestu sol valor amestáu (IVA), impuestu sol consumu que grava a les operaciones comerciales, a los servicios, a les importaciones. 2 Impuestu que grava’l consumu de bienes y servicios cada vez que s’agrega valor añadíu al bien o serviciu y nel momentu de la venta al consumidor final.

Pallabra:

Términos básicos d'Economía y Empresa

Guillermo Ovidio Villa Balbona
Fernanda Valdés Rodríguez