alministración, l’(a): sust. Aición y efeutu d’alministrar. 2 Cargu o función del alministrador. 3 Sitiu [onde trabaya un alministrador]. 4 Conxuntu d’organismos [qu’alministren un país, una empresa]. || Alministración Autonómica, Alministración Pública de les Comunidaes Autónomes. || Alministración Central, Alministración Pública del gobiernu del Estáu. || Alministración Económica, Alministración Pública que tien al so cargu la recaudación de les rentes y el pagu de les obligaciones públiques. || Alministración Municipal, Alministración Pública que cuida los intereses del Conceyu. || Alministración Provincial, Alministración Pública que ta al cargu de los gobernadores y de la Diputación de cada provincia. || Alministración Pública, organización que xestiona los servicios y executa les lleis nun campu determináu y que ye independiente del poder llexislativu y del xudicial. || Alministración Tributaria, organismu del Estáu encargáu de recaudar los impuestos y persiguir el fraude.

Pallabra:

Términos básicos d'Economía y Empresa

Guillermo Ovidio Villa Balbona
Fernanda Valdés Rodríguez