aición, l’(a): sust. 2 Intención, idea o actitú [cola que s’empobina ún hacia’l llogru de dalgún oxetivu]. 5 Títulu [que demuestra que ye auténticu’l valor d’una porción de capital]. a Parte o fraición del capital social d’una sociedá anónima. b Partes iguales nes que ta dividíu’l capital escriturao d’una Sociedá Anónima. Clasifíquense en series según los sos derechos y el so valor nominal. || Aición al llevador, aición que nun ye nominativa, solamente tien derechos quien la amuesa. || Aición ensin derechu a votu, aición que nun concede al so titular el derechu al votu nes xuntes xenerales de la sociedá; empara d’ello tien otros derechos económicos. || Aición nominativa, aición na que’l nome del titular vien escritu espresamente. || Aición parcialmente desembolsada, aición na que’l titular fizo parte de l’aportación; esta aición llegalmente debe ser nominativa. || Aición preferente, aición que tien un caráuter especial, que pue garantizar dividendos fixos o variables, a cambiu de la perda d’otros derechos del aicionista. || Aición totalmente desembolsada, aición aportada totalmente pol titular.

Pallabra:

Términos básicos d'Economía y Empresa

Guillermo Ovidio Villa Balbona
Fernanda Valdés Rodríguez