escedente, l’: sust. Producción sobrante [d’una empresa, d’un país]. a Cantidá de mercancíes o dineru que sobrepasa les previsiones de producción o de demanda. b Beneficiu empresarial. || Marshall y l’escedente del consumidor, Alfred Marshall (1842-1924) economista inglés, fundador de la Escuela de Cambridge, a partir de la economía de los clásicos y coles aportaciones marxinalistes del so tiempu, decatóse que’l consumidor paga casi siempre menos por una mercancía del preciu que taría dispuestu a pagar, colo que llogra un valor al so favor, que llama «escedente del consumidor». Esto surde de que la utilidá marxinal d’un bien disminuye a midida qu’aumenta’l so consumu. Considérase a Marshall el precursor de la «Economía del Bienestar» por buscar, nel analís económicu, soluciones pa los problemes sociales.

Pallabra:

Términos básicos d'Economía y Empresa

Guillermo Ovidio Villa Balbona
Fernanda Valdés Rodríguez