Terminoloxía de cine
Pablo A. Quiroga Prendes
caltenimientu retinianu: Fenómenu visual pol qu'una imax ta na retina una décima de segundu enantes de sumise dafechu. La ciencia diz quel' nuesu güeyu ve con una cadencia de 10 imáxenes por segundu, que nós nun vemos como independientes gracies al caltenimientu visual. Por mor d'esti fenómenu les imáxenes superpónense na retina y el cerebru enllázales como una única imax visual móvil y continua. El cine aprovecha esti efeutu y provoca esi enllaz proyeutando más de diez imáxenes por segundu, daqué que xenera nel nuesu cerebru la ilusión de movimientu.
Cast.: persistencia retiniana.