Términos básicos d'Economía y Empresa
Guillermo Ovidio Villa Balbona
Fernanda Valdés Rodríguez
Fernanda Valdés Rodríguez
economía, la: sust. 2 Conxuntu de regles [que rixen la producción, el repartu, el consumu de les riqueces]. 4 fam. Aforros nun gastaos. a Ciencia qu’estudia los métodos más eficaces pa satisfacer les necesidaes materiales de los homes y de les muyeres, utilizando bienes escasos y susceptibles d’usos alternativos. b Conxuntu de bienes y actividaes que componen la riqueza d’una coleutividá o d’un individuu. c Alministración eficaz y razonable de los bienes. c Aforru de trabayu, tiempu o d’otros bienes o servicios || Economía de mercáu, sistema económicu que se desendolca mediante empreses privaes, que se rixen pola llei de la ufierta y la demanda, ensin el control direutu del gobiernu. || Economía del bienestar, economía que tien como oxetivu xeneral llevar a tolos sectores sociales los bienes y servicios necesarios pa que tengan una vida digna. 2 Nueva rama del estudiu económicu que se dedica a los nomaos «óptimos sociales», qu’escueye valores de caráuter coleutivu escontra del «óptimu del bienestar individual». || Economía d’escala, abaratamientu de los costos unitarios d’un productu al aumentar la cantidá total producida. || Economía dirixida, sistema económicu nel que’l gobiernu marca los oxetivos que deben algamar los axentes económicos y les sos llendes d’actuación. || Economía global, economía con capacidá pa funcionar como una unidá en tiempu real a escala planetaria. || Economía llibre, economía de mercáu. || Economía mista, sistema económicu nel qu’una parte de les decisiones tan llimitaes pola autoridá central y otra parte ríxese según les lleis del mercáu. || Economía planificada, sistema económicu nel que la mayoría de les decisiones obedecen a los planes periódicos de l’autoridá central. || Economía política, ciencia histórica qu’estudia les lleis económiques que rixen la producción, la distribución, el cambéu y el consumu de los bienes materiales nes distintes etapes del desarrollu de la sociedá humana. || Economía sumida, economía que se fai al marxe de les lleis, y que nun apaez en nengún rexistru fiscal nin estadísticu. || Economía zarrada, economía que pon restricciones comerciales que la aisllen muncho del intercambiu coles otres economíes.