depósitu, el: sust. Aición y efeutu de depositar. 2 Cosa depositada. a Contratu pel que daquién se compromete a guardar daqué por encargu d’otra persona. || Depósitu bancariu, cantidá de dineru que s’ingresa nun bancu, nuna caxa d’aforros. || Depósitu francu, sitiu onde se coloquen les mercancíes importaes, que puen permanecer nél ensin pagar los derechos d’aduana, hasta qu’entren llegalmente nel país o s’esporten. || Depósitu xudicial, depósitu que se prautica faciendo depositariu al xuez. || Fondu de garantía de depósitos, institución financiada al 50 por cientu pol Bancu d’España y pola banca privada, que respuende hasta una cantidá determinada polos fondos de los clientes.

Pallabra:

Términos básicos d'Economía y Empresa

Guillermo Ovidio Villa Balbona
Fernanda Valdés Rodríguez