activu, l’: sust. a Parte del balance que recueye tolos bienes y derechos que tien na so contabilidá una empresa, una institución, una persona. b Conxuntu de medios tanxibles ya intanxibles y les inversiones financieres permanentes que tienen caráuter duraderu y nun tán destinaes a la venta. || Activu amortizable, activu que se deprecia pol usu, polo que se pue amortizar. || Activu circulante, bienes y derechos d’una empresa que son llíquidos (caxa, bancos, activos financieros a cortu plazu) o que puen convertise n’efeutivu enantes del plazu d’un añu (clientes, esistencies). || Activu financieru, activu que recueye’l dineru de caxa y bancos, títulos-valores y cuentes por cobrar. || Activu fixu, activu inmovilizáu. || Activu intanxible, activu inmaterial (patentes, llicencies) que ye amortizable y que tien una vida económica superior a un añu. || Activu real, activu que recueye los elementos tanxibles de la empresa (tierres, edificaciones, muebles, máquines, otros bienes). || Activu realizable, activu que pue facese llíquidu nun plazu curtiu. || Activu tanxible, activu de naturaleza material. || Cuentes d’activu, cuentes del llau izquierdu del balance onde se rexistren los bienes y derechos que tien una empresa.

Pallabra:

Términos básicos d'Economía y Empresa

Guillermo Ovidio Villa Balbona
Fernanda Valdés Rodríguez