contratu, el: sust. Acuerdu o documentu [ente dos o más persones físiques y/o xurídiques, pel que les partes pauten xurídicamente facer daqué]. a Negociu xurídicu col que dos o más persones físiques o xurídiques s’obliguen a dar, facer o nun facer dalgo. || Contratu d’arrendamientu, contratu pel que cobrando un preciu, l’arrendador ta obligáu a concede-y al arrendatariu l’usu d’una cosa, a face-y un serviciu, a realiza-y una obra. || Contratu de compraventa, contratu que tien por oxetu la entrega d’una cosa determinada a cambiu d’un preciu ciertu. || Contratu de servicios, contratu d’arrendamientu pel que l’arrendador-y da un serviciu al arrendatariu. || Contratu llaboral, contratu pel que la empresa y los emplegaos faen un acuerdu so les condiciones de la rellación de trabayu. || Contratu mercantil, contratu que ta suxetu al Códigu de Comerciu o a dalguna norma mercantil al ser polo menos una de les partes empresariu o comerciante. || Zarrar un contratu, acordar el conteníu d’un contratu.

Pallabra:

Términos básicos d'Economía y Empresa

Guillermo Ovidio Villa Balbona
Fernanda Valdés Rodríguez