Terminoloxía de Teatru y Artes Escéniques
Belarmino Daniel Álvarez Álvarez y Antón Caamaño Vega
teatru medieval: Teatru desendolcáu na Edá Media o qu’imita los moos de representación siguíos naquella dómina. Magar que los sos oríxenes nun tean esclariaos pola mor del frañimientu de la tradición teatral con respeuto a la época clásica, produciendo asina sieglos d’escuridá nel mundu de la producción teatral (llevándolu a la práutica desapaición), considérense los sos anicios les festividaes relixoses (los nomaos “misterios” celebraos dientro de les ilesies) a partir de les qu’entamarán, col tiempu, a desendolcase soluciones escéniques y métodos de representación cada vegada más desendolcaos y alloñaos del espaciu relixosu, qu’acabarán aportando, de nueves, al teatru como un arte independiente, yá dixebráu de la relixón.
Cast.: teatro medieval.