escena: Zona del foru, na Antigua Grecia, que zarraba la orquesta per detrás y que posteriormente adquirió la so forma típica de fachada de trés puertes. Col tiempu, el términu que describía esti espaciu pasó a significar lo qu’ocurría en dientro d’él. Asina s’usaba la pallabra escena pa designar unidaes curties d’aición de les que la so socesión conformaba un actu, entendiendo por escena, entós, la “sodivisión interna de los actos d’una obra teatral” y el “llugar onde se produz la representación dramática”. || 2. Na ópera del sieglu XIX, una escena ye simplemente una unidá dramática que da pasu a un aria, un duetu o cualaquier otru númberu. || 3. Téunica narrativa que consiste en ralentizar el ritmu de la obra cola introducción d’abondantes diálogos.

Cast.: escena.

Pallabra:

Terminoloxía de Teatru y Artes Escéniques

Belarmino Daniel Álvarez Álvarez y Antón Caamaño Vega