café-teatru: Espaciu de grupos a vegaes marxinales y de discursos contundentes, o d’obres actuales de grupos alternativos. Ye la resultante d’un conxuntu de condicionamientos económicos qu’imponen un estilu abondo uniforme, ente ellos un escenariu perpequeñu y l’establecimientu d’una rellación de gran proximidá cola sala (tamién pequeña), colos dos o tres especutáculos que s’asoceden nel cursu d’una mesma nueche, curtios (non más d’una hora) y basaos na interpretación, davezu cómica, de los actores, que son convidaos a correr con tolos riesgos económicos trabayando a un taquillax compartíu col direutor del llocal. Los testos dramáticos suelen ser satíricos o poéticos, siendo cuasi siempres creaciones inédites que, si llogren éxitu, acceden a ámbitos más relevantes de la escena teatral.

Cast.: café-teatro.

Pallabra:

Terminoloxía de Teatru y Artes Escéniques

Belarmino Daniel Álvarez Álvarez y Antón Caamaño Vega