capital, el: sust. Conxuntu [de bienes que tien una persona, una empresa, un país]. 2 Dineru [que se tien invertío nuna empresa, nun negociu]. 3 Poder económicu [d’una sociedá, d’un país]. || Ampliación de capital, operación pela qu’una sociedá aumenta’l so capital social, onde los aicionistes suelen tener un derechu d’ampliación preferente. || Capital desembolsao, capital aportao polos aicionistes d’una sociedá. || Capital de trabayu, recursu económicu que s’usa pa financiar l’entamu d’un negociu y da-y tiempu pa recuperar la cartera de les ventes. || Capital neto de trabayu, cantidá que nos da al restar, nun momentu dau, al activu circulante’l pasivu circulante o de plazu curtiu d’una persona, d’una empresa. || Capital social, valor nominal total de les aiciones d’una sociedá, nun momentu dau. || Reducción de capital, reducción que suel facese pa compensar les pérdigues, menguando’l númberu de les aiciones o rebaxando’l so valor nominal.

Pallabra:

Términos básicos d'Economía y Empresa

Guillermo Ovidio Villa Balbona
Fernanda Valdés Rodríguez