beneficiu, el: sust. 3 Ganancia [que se saca nun negociu, nun cargu, nuna herencia]. a Diferencia positiva al mercadexar cuando’l preciu de la venta ye mayor que’l costu d’un bien o serviciu. || Beneficios acumulaos, suma de los beneficios non distribuyíos nún o en más exercicios de la vida económica d’una empresa qu’integren el netu patrimonial xunto al capital y les reserves. || Beneficios fiscales, bonificaciones tributaries concedíes a les persones físiques y xurídiques col oxetu de dar puxu a dalgunes actividaes económiques. || Beneficiu brutu, diferencia positiva resultante de resta-y al preciu de les ventes el costu de les ventes. || Beneficiu d’actividaes ordinaries, resultáu positivu de suma-y al beneficiu d’esplotación el resultáu financieru. || Beneficiu d’esplotación, cantidá resultante de deducir de los ingresos los gastos xeneraos pola operación normal de la empresa. || Beneficiu enantes d’impuestos, resultáu positivu de deducir de los ingresos totales tolos gastos, a esceición del Impuestu sobre Sociedaes. || Beneficiu llíquidu, resultáu final de restar tolos gastos a tolos ingresos. || Beneficios nun distribuyíos, beneficios d’una empresa que nun se reparten como dividendos, sinón que se destinen a recursos propios. || Beneficiu por aición, resultáu de dividir el beneficiu dempués d’impuestos ente’l númberu total d’aiciones en circulación d’una sociedá.

Pallabra:

Términos básicos d'Economía y Empresa

Guillermo Ovidio Villa Balbona
Fernanda Valdés Rodríguez